Монгол-Тайванийн эдийн засгийн форум маргааш Улаанбаатар хотноо эхэлнэ. Тус форумд оролцохоор хүрэлцэн ирсэн Тайпэй хотын бизнесмэнүүдийн төлөөлийг өнөөдөр Нийслэлийн засаг даргын нэгдүгээр орлогч Б.Баатарзориг хүлээн авч уулзлаа. Сүүлийн жилүүдэд Улаанбаатар, Тайпэй хотын харилцаа өргөжиж хоёр талын худалдаа эргэлт 70 сая ам.долларт хүрчээ. Тайванийн их, дээд сургуулиудад манай улсаас цагдаагийн 40, шүүх байгууллагын 60 гаруй ажилтныг давтан сургажээ. Мөн одоогоор манай улсаас 500 гаруй оюутан суралцаж байгаагийн 200 шахам нь Тайванийн Засгийн газар болон их, дээд сургуулиудын тэтгэлгээр суралцаж байна.