АНУ Украинд 75 сая ам.долларын цэргийн тоног төхөөрөмж илгээсэн тухай тус улсын дэд Ерөнхийлөгч Жое Байден Петро Порошенкод утсаар мэдэгджээ. Уг тусламжид цэргийн радар, онгоц, радио холбоо болон эрүүл мэндийн тоног төхөөрөмжүүд багтаж байгаа гэнэ. АНУ үүнээс гадна зэвсэглэсэн 20 болон зэвсэглээгүй 200 хүртэл тооны “Humvees” маркийн машин Украин руу илгээхээр шийдсэн юм.
Украинд хэрэв дайны гал зогсоох дипломат хэлэлцээр амжилтад хүрэхгүй бол үхлийн зэвсэг илгээнэ гэж Ерөнхийлөгч Б.Обама өмнө нь мэдэгдэж байсан. Харин нэгэнт гал зогсоох гэрээ хүчин төгөлдөр хэрэгжиж байгаа учир АНУ-ын дээрх илгээмж нь “үхлийн –бус” зэвсэг гэсэн ангилалд хамаарагдаж байгаа юм.