Ирландын нийслэл Дублин хотын үсчин 22 настай Уоррен Флинн өнгөрсөн оны сүүлчээр энэ буянтай ажлаа эхэлжээ. Тэрээр “Нэг удаа би Пирс-стрит өртөөний дэргэд гадаа гудсан дээр хэвтэж байгаа нэг залууг харсан. Би эхлээд түүнд халуун кофе өгөөд, дараа нь үсийг нь засаад өгье гэсэн. Надад тэртэй тэргүй бүхий л багаж хэрэгсэл байсан юм чинь” гэж ярьж байна.
Флинн бараг л бүтэн жилээр засуулаагүй үсийг нь сайхан засч өгч. Үүнээс хойш л ядарсан хүнд тусалъя гэсэн сэтгэлээр мягмараас бямба гаригт ажлаа хийчихээд амралтын өдрүүдээрээ Дублины гудамжин дахь орон гэргүй хүмүүсийн үсийг үнэгүй засч өгөхөөр гардаг байна. Өнөө хүртэл Флин орон гэргүй  хэдэн арван хүний үсийг ингэж засч өгчээ.

Түүний энэ буянтай үйлс олны анхаарлаас хол хоцорсонгүй нутгийн оршин суугч Эвелин Дойл фейсбүүктээ бичиж олны хүртээл болгожээ.