Ерөнхий боловсролын сургуулийн бага, дунд, ахлах ангийн сурагчдын дунд “Би ирээдүйн сансрын нисэгч” нэртэй гар зургийн уралдаан зарлажээ. Зөвлөлт-Монголын сансрын хамтарсан нислэгийн 34 жилийн ойд зориулсан уралдааныг Монгол-Орос найрамдлын нийгэмлэг, Оросын шинжлэх ухаан, соёлын төвөөс зохион байгуулж буй юм.
Зөвлөлт Монголын сансрын хамтарсан нислэгийн ач холбогдол, хоёр улсын хоорондын найрамдалт харилцаа, хамтын ажиллагааны үр шимийг сурталчилах зорилготой уралдаанаас шалгарсан бүтээлийн эздийг сансрын нисэгчдийн гарын үсэгтэй диплом, дурсгалын зүйлээр шагнах гэнэ. Гэхдээ шагналыг нь энэ сарын 20-нд болох хамтарсан нислэгийн ойд зориулсан ёслолын арга хэмжээн дээр гардуулах юм байна.