Рок попын олон арван уран бүтээлчидтэй хамтран ажиллаж, тэдгээрийн хит болсон гайхалтай уран бүтээлүүдийг туурвидаг “UP MUSIC” продакшнаас санаачлан 3 дугаар сарын 8 буюу Олон Улсын Эмэгтэйчүүдийн баярт зориулан монголын рок поп хөгжмийн урлагийн шилдэг уран бүтээлчдийн “VIP” амьд тоглолтыг толилуулахад бэлэн болжээ.

   Монголын рок поп хөгжмийн урлагийн шилдэг хамтлаг, дуучид ая дуугаараа бэлэг барьж, үзэгч бүсгүйчүүдийг уяраан дуулах онцгой бас өмнө нь болж байгаагүй гэх тодотголтой энэ шинэлэг тоглолтыг “UP MUSIC” продакшнаас мэргэжлийн, өндөр түвшинд зохион байгуулахаар бэлтгэлдээ ороод байгаа юм. Тодруулж хэлвэл, 3 дугаар сарын 7-нд “Харанга” хамтлаг, МУГЖ Т.Ариунаа нар хамтран тоглоно. Харин 3 дугаар сарын 8-нд МУГЖ Х.Лхагвасүрэн, МУГЖ Б.Дашдондог, УГЗ Ц.Чулуунбат, МУСТА Н.Наранбаатар /Naagii&Jazz Band/, дуучин A Cool нарын монголын өндөр ур чадвар бүхий 5 эрэгтэй дуучин шилдэг уран бүтээлүүдээ бүсгүйчүүддээ зориулан дуулах аж.

   Монголчуудынхаа хайр, хүндэтгэлийг хүлээсэн уран бүтээлчид, тэдний зүрхэнд хүрсэн дуу хөгжим мөн тоглолтын найруулга, орчин, уур амьсгал гээд юм бүхнээрээ онцлог, содон тоглолтыг ердөө 300 хүн үзэх юм. Хоёр өдрийн “VIP” тоглолт “Баянгол” ресторанд 19:00 цагаас зохион байгуулагдана. Харин тасалбарын үнэ 160.000 төгрөг бөгөөд үүнд оройн зоог, коктейль зэрэг олон зүйл багтжээ. Тасалбарыг www.easyticket.mn сайтаар болон “Баянгол” рестораны касс, 1900-1109 дугаараар захиалга аван үнэгүй хүргэж байна. Хайртай ээж, халамжит гэргий, найз бүсгүйгээ баярлуулж, ховорхон хоёр үдэшт морилон саатахыг хүндэтгэн урьж байна.

Дэлгэрэнгүй мэдээллийг 70111699, 88441177 утаснаас лавлаарай.