Алдарт Леонардо да Винчигийн гайхамшигт “Жоконда” зураг хоёр хувилбартай байсан гэнэ. Нэг нь та бидний мэдэх өнөө хүртэл нууцыг нь тайлж чадаагүй Мона Лиза. Нөгөө нь түүний нүцгэн хувилбар. “Монна Ванна” нэртэй нүцгэн  бүсгүйн хөргийг Леонарда да Винчигийн шавь, натурт сууж зургаа зуруулдаг нэг их нэрд гараагүй зураач Салаи гэгч зурсан гэнэ.
Салаиг алдарт Леонардогийн “Загалмайлагч Иоанн”, “Бахус” зургуудын загварыг гаргахад натурт нь суусан гэж олон судлаач үздэг. Бас Салаиг эмэгтэй хүний хувцас өмсөөд Мона Лизагийн дүрийг бүтээх натур болсон гэсэн яриа ч бий.
Албан ёсны хувилбараар бол Леонардо да Винчи энэ алдарт зургийг  Флоренцын бүс даавууны худалдаачин Франческо дель Жокондогийн гэргий Лиза Герардинигийн хөрөг гэж үздэг. Нэрт зураач энэ зургаа 1503-1505 онд бүтээжээ.