УИХ-ын дарга Д.Дэмбэрэл УИХ-ын хаврын чуулганыг түр завсарлуулсан захирамж гаргасан. Өөрөөр хэлбэл, өнгөрсөн пүрэв гаригт болсон нэгдсэн чуулганы хуралдааныг зургадугаар сарын 1-ний өдөр хүртэл түр завсарлуулсан юм. Одоогоор чуулган хуралдах ямар нэг онцгой асуудал байхгүй байгаа. Мөн УИХ-ын олонхи гишүүн сонгуульд нэр дэвшиж, сурталчилгааны ажилдаа орчихсон яваа. Тиймээс эл захирамжийн хугацааг сунгах бололтой. Хэдийгээр спикерийн зүгээс ямар нэг мэдээлэл өгөөгүй байгаа ч зургадугаар сарын 28 буюу сонгуулийн санал хураах өдөр хүртэл парламент хуралдах шаардлага гарахгүй гэсэн үг юм.