Цагдаагийн экс дарга нарт холбогдох хэргээс болж шүүгчид бухимдангуй байна. Учир нь, тэдэнд холбогдох хэргийг таван ч удаа товлоод хэлэлцэж чадаагүй.
ШШГЕГ-ын албан хаагчид ЦЕГ-ын даргын үүрэг гүйцэтгэгч асан, хошууч генерал Ч.Амарболдыг шүүх хуралд албадан авчрах тогтоол биелүүлэхээр эмнэлэгт очсон боловч ажил нь бүтэлгүйтсэн гэнэ.
Харин П.Н.Шастины нэрэмжит Клиникийн гуравдугаар эмнэлэгт эмчлүүлж буй Ч.Амарболдын биеийн байдлын тухай дүгнэлтийг эмчлэгч эмч Х.Төмөр-Очир Сүхбаатар дүүргийн шүүгч Ч.Хосбаярт өгчээ. Тус дүгнэлтэд “Эмчлүүлэгч Ч.Амарболд өчигдөрхөн хүнд хагалгаанд орсон тул хөдөлгөөнгүй байж, хэвтрийн дэглэм сахих ёстой. Мөн дэд хурандаа О.Зоригт өнгөрсөн баасан гаригт хүнд хагалгаанд орсон тул Цагдан хорих төв рүү явуулж болохгүй” гэжээ. Гэтэл шүүгч Ч.Хосбаяр эмнэлгийн эл дүгнэлтийг чухал биш гэж үзээд буцаасан аж.