Архангай аймгийн аялал жуулчлалын хөгжилд хамтран ажиллах, цаашид хүндрэл, бэрхшээлтэй асуудлуудад гарц олох, хамтын ажиллагаагаа үр дүнтэй хэрэгжүүлэх зорилготой уулзалт аймгийн Засаг даргын Тамгын дарга Б.Лхагвасүрэн болон БНСУ-ын аялал жуулчлалын яамны хүндэт профессор ноён Чой Хэ Сү тэргүүтэй төлөөлөгчдийн дунд өрнөлөө. Газар нутгийн хувьд дахин давтагдашгүй бүтэцтэй, цаг агаарын өвөрмөц онцлогтой, найрсаг ард түмэнтэй Архангайчуудын хувьд аялал жуулчлал хөгжихөд дэд бүтэц, үйлчилгээний соёл, замын тэмдэг тэмдэглэгээ гээд хүндрэлүүд байгааг олж харсан зочдын асуултанд Тамгын дарга Б.Лхагвасүрэн дэд бүтэц дагасан тэмдэг тэмдэглэгээг өнгөрсөн жилд ЗГ-т төсөл бичээд энэ жилээс хэрэгжүүлэхээр болсон. Өнгөрсөн жилд аялал жуулчлалын чиглэлээр бодлогын асуудлууд шийдэгдэж энэ жилээс хэрэгжиж эхлэнэ гэдгийг тайлбарлалаа. Энэхүү уулзалтаар Солонгосын аялал жуулчлалын яамнаас зарласан томоохон төслийг Архангайд хэрэгжүүлэх боломж, нөхцлийг судалж байгаагаа төлөөлөгчид мөн илэрхийллээ. Цаашдаа олон улсын аялал жуулчлалын түвшинд танигдсан Солонгос эрдэмтэн, судлаачдыг Архангайд авчирч өргөтгөсөн зөвлөгөөн, арга хэмжээ зохион байгуулах талаар мөн санал солилцлоо. - See more at: http://www.zasag.mn/m/arkhangai/view/8555#sthash.FUymriTP.dpuf