МҮОНРТ-ийн ерөнхий захирал Ц.Оюундарь 2011 онд хуралдсан Монголын Сэтгүүлчдийн эвлэлийн ээлжит их хурлаар МСЭ-ийн тэргүүн дэд ерөнхийлөгчөөр сонгогдсон. Гэвч УИХ-д нэр дэвших болсон тул 2012 оны тавдугаар сард өөрөө хүсэлт гарган уг албан тушаалаас түр түдгэлзээд байсан билээ. 2015 оны нэгдүгээр сарын 05-наас мэргэжлийн салбартаа эргэн ирж, улс төрийн намын харъяалал болон улс төрийн албан тушаалаасаа татгалзсан тэрбээр МСЭ-д хандан  Тэргүүн дэд ерөнхийлөгчийн албан тушаалдаа эргэн ажиллаххүсэлт гаргасныг Гүйцэтгэх хорооны гишүүдийн олонх нь дэмжсэн байна.