Дорнод аймгийн Мэргэжлийн хяналтын газрын байцаагчид энэ сарын 3-7-ны хооронд удирдамжтай хяналт, шалгалт хийж Чойбалсан сумын нутаг дахь Хөх нуураас хууль бусаар загас барьсан хятад иргэнд 384 мянган төгрөгийн торгууль, 1.296 мянган төгрөгийн нөхөн төлбөр ногдуулжээ. Тэрээр тус аймгийн нутагт үйл ажиллагаа явуулдаг Шанлун ХХК-ийн ажилтан бөгөөд нуураас 108 мөнгөлөг хэлтэг загас барьсан байжээ. Хууль бусаар барьсан загасыг хурааж Хэрлэн суманд хүлээлгэн өгсөн байна.

Сонирхуулахад, мөнгөлөг хэлтэг (Carassius gibelio, заримдаа Carassius gibelio gibelio, мөн 2003 оноос өмнө Carassius auratus gibelio) нь Cyprinidae овгийн загас юм. Ази, тэр дундаа Сибирээс гаралтай. Нуур цөөрөм, удаан урсгалтай гол мөрөнд амьдарна.

Энэ загас нь дунд зэргийн хэмжээтэй бөгөөд 45 см урт, 3 кг жинтэй байна. Голдуу мөнгөлөг өнгөтэй ч, өөр янзын өнгөтэй байх нь бий. Мөнгөлөг хэлтэг загасыг алтан загасны байгаль дах зэрлэг хувилбар нь хэмээх ба энэ нь батлагджээ. Хэдий эдгээр загаснууд маш ойрын холбоотой ч хэд хэдэн онцлог ялгаатай өөр зүйл загаснууд юм.