Нийслэлийн Засаг дарга Г.Мөнхбаяр орон сууцны контортой гэнэ шүү. Дам сонссоноор түүний контор “Г and М” гэдэг аж. Энэ нь түүний аав Гомбосүрэн болон Мөнхбаяр гэдэг үгийн товчлол. Түүний контор Сансар орчмын айлуудын дулаан, халуун, хүйтэн ус, эрчим хүч хариуцдаг бөгөөд тун сайн ажилладаг хэмээн оршин суугчид нь ам сайтай байдаг байна. Ер нь, хот хариуцсан хэдэн байгууллагын дарга нар дийлэнхдээ өөрийн гэсэн контортой байдаг. Түүний нэг нь ОСНААУГ-ын орлогч дарга н.Батмөнх гэнэ. Түүний контор “Сансар өргөө” нэртэй. Тэрээр эл контороо хувьчлалын үеэр өөрийн болгож авчээ. Тэгэхдээ өнөөгийн ОСНААУГ-ын дарга Дашдоржтой нийлэн байгуулж байсан гэнэ.