Баянгол дүүргийн Эрүүл мэндийн төвийн харъяа “Эмүжин” төвд 35 хүүхдийн багтаамжтай хүүхдийн эмнэлэг үйл ажиллагаа явуулдаг ч энэ нь ачааллаа дийлэхгүй, хүчин чадлаасаа хоёроос гурав дахин ачаалалтай ажилладаг. Иймээс шинээр нээгдсэн Эрүүл мэндийн төвд 20 ортой хүүхдийн тасаг нээгээд буй. УИХ-ын гишүүн С.Одонтуяа, С.Эрдэнэ нарын санаачилга, дэмжлэгтэйгээр дүүргийн Эрүүл мэндийн яам, Нийслэлийн эрүүл мэндийн газар хамтарч ажлын алба байгуулж энэхүү тасгийг нээсэн байна. Том хүний тас­гаас ачаалал багатай дөр­вөн тасгийг сонгон авч, тус­гаар­лан, ор, эд хогшил, до­тоод тохижилтыг нь тойр­гоос сонгогдсон гишүүд  цалин­гаа­раа шийдэж өгсөн гэнэ. Ин­гэс­нээр хүнд өвчтэй хүүх­дүүд­дээ яаралтай тусламж үзүүлэх бололцоо бүрдсэн юм. Тус тасаг нээгдээд ердөө арав хонож байгаа ч одоогийн байдлаар нийт 190 хүүхэд хүлээн авснаас 50 гаруй нь хэвтэн эмчлүүлээд байна. 

Энэ нь өвлийн улиралд хүүхдүүд ханиад томуу зэрэг амьсгалын замын халдварт өвчинд өртөх тохиолдол илүү их гардагтай холбоотой гэдгийг эмч нар хэлж байна.  
Баянгол дүүргийн долоо­дугаар төвийг 135 ортой хүүх­дийн эмнэлэг болгохоор төлөв­лөн бэлтгэл ажлаа хан­гаж байгаа бөгөөд тойр­гоос сонгогдсон гишүүд хөөцөлд­сөний үр дүнд засвар хийх санхүүжилт болон үйл ажил­лагааных нь зардал, эмч, ажилтнуудын цалинг 2015 оны төсөвт суулгажээ. Ингээд ирэх оны дөрөвдүгээр сарын 1-ний өдөр нээлтээ хийснээр дүүргийнхээ нийт хүүхэд багачуудад бүрэн хүрч үйлчлэх боломжтой болох аж.