2014 оны 12 дугаар сарын 20-ны өдрийн 12.00-13.00 цагт  монголын хүүхдийн урлан бүтээх төвийн “Хүслийн шинэ жил” баярын арга хэмжээ болно. Тус арга хэмжээгээр дугуйланд суралцагч урлаач, авъяаслаг хүүхдүүдийн  баярын концерт,  оны шилдэг урлаач суралцагчдыг шалгаруулна.

Хүүхдийн хүсэл сонирхолд нийцүүлэн авьяасыг нь мэргэжлийн чиг баримжаатай хөгжүүлж тодорхой түвшиний мэдлэг ур чадварыг эзэмшүүлэх гар урлалын болон техникийн бүтээх туурвих хүсэл, хүсэл эрмэлзлэл ур чадвартай болгохыг эрхэм зорилгоо болгосон МОНГОЛЫН ХҮҮХДИЙН УРЛАН БҮТЭЭХ ТӨВ нь  тэднийг амьдрах ухаанд сургах бүтээлч сэтгэлгээг нь хөгжүүлж ирээдүйн авьяаслаг уран бүтээлч инженер техникийн ажилтан болох суурь мэдлэг чадварыг эзэмшүүлэхийн төлөө үйл ажиллагаагаа явуулж байна.

Хүүхэд багачуудаа дэмжиж тэдний авьяасыг хөгжүүлэхийн төлөө санаа тавьж хичээл зүтгэл гаргаж байдаг сайн санаат иргэн, байгууллага бүртэй бид хамтран ажиллахыг чухалчилдаг.

Тус төвд 1000 гаруй хүүхэд багачуудад уран зураг, хүүхэлдэйн бэлэг дурсгал, шүрэн урлал, сийлбэр, сүрлэн наамал, баримал, хайчилбар, арьсан урлал, хувцас дизайн, авто машины загвар зохион бүтээх, онгоцны загвар зохион бүтээх, автоматик электроник зэрэг чиглэлээр сургалт зохион байгуулж багш, ажилчид хүүхдийн төлөө амжилттай ажиллаж байна.