СБД-ийн шүүхээс МАХН-ын дарга Н.Энхбаярыг 2012 оны УИХ-ын сонгуульд нэр дэвших эрхтэйг албан ёсоор хүлээн зөвшөөрлөө. Сонгуулийн тухай хуулийн 26.4.2-т ял шийтгүүлж байгаагүй, эсвэл ял шийтгүүлж байсан боловч  Эрүүгийн хуулийн 78.2, 78.3-т заасны дагуу ялгүй болсон буюу ялгүйд тооцогдсон хүн нэр дэвших эрхтэй” гэж заасан байдаг. Түүнчлэн СЕХ-ны дарга Н.Лувсанжав “МАХН-ын дарга Н.Энхбаяр одоогоор ямар нэгэн ял шийтгэлгүй байгаа тул түүнийг нэр дэвшигчээр бүртгэж авахаас татгалзах зүйлгүй” хэмээн мэдэгдээд байна. Тиймээс МАХН-ынхан Н.Энхбаярын сонгуульд нэр дэвших баримтыг бүрдүүлж СЕХ-нд хүргүүлэх гэж байгаа юм байна.