ОХУ-ын Буриад улсын ерөнхийлөгч Вячеслав Наговицын ахлагч нарын зөвлөлийн хуралдаан дээр ингэж мэдэгдсэн байна. Түүний үгээр бол Хиагт боомтын ажилтнууд хяналт шалгалтыг хэт удаан хийж зорчигчдыг чирэгдүүлэн түгжрэл үүсгэж байгаа гэнэ. Наговицын “Монголын хилчид шуурхай ажиллаж болж байхад оросын гаалийн ажилтнууд хэтэрхий удаан ажиллаж байна” гээд оросын гаалийн ажилтнууд монголын ажил мэргэжил нэгтнүүдээсээ суралцах хэрэгтэй гэсэн байна.
"Оросын хилчид, гаалийн ажилтнууд Буриадын Засгийн газрын Дэд бүтцийн хөгжлийн асуудал хариуцсан орлогч Николай Зубаревтэй байж байгаад хэрхэн юу хийхээ ярилцаж шийдэх хэрэгтэй. Монгол руу иргэд маань зорчиж л байг л дээ. Тэгээд цаашаа жуулчид явна. Тэднийг чинь шоронгийн хоригдол шиг нэгд нэггүй нүцгэлэх нь халгүй шалгаад яах юм. Би   Домодедовагийн нисэх буудлаас хэд хэдэн удаа хил гарч байсан. Тэнд бүх зүйл хэвийн л байдаг. Тэнд үзээд л шалгаад л болж байдаг. Орос улс нэг л хуультай, хүмүүсийг чирэгдүүлэх хэрэггүй шүү дээ” гэж Наговиыцын хэлжээ.
Тэр бас Хиагт бол  тус бүгд найрамдах улсын үүд хаалга, нүүр царай. Газар газрын олон жуулчин үүгээр өнгөрдөг. Цаашид энэ боомтыг хөгжүүлэх гудамж барилгыг нь засварлаж, хог хаягдлыг нь цэвэрэх, шинэ дэлгүүр, бие засах газар нээх хэрэгтэй гэснийг newbur.ru сайтад бичжээ.