Сонгуульд нэр дэвшигчдээ тодруулах МАН-ын Бага хурал түр завсарлажээ. Эхэлсэн цагаасаа хойш хаалттай хуралдаж буй Бага хурал тун ч ширүүн уур амьсгалтай байгаа сурагтай. Гомдох нь гомдож, уурлах нэг нь уурлаж бухимдан тун ч цухалдуу байгаа аж. Тойрог нь цөөдөж, нэр дэвшигчид нь олширсон учраас намын удирдлагууд хэнийгээ сойж, хэнийг өнжүүлэхээ шийдэх хүндхэн үүрэг хүлээх нь. Тойргоос мултарчих магадлалтай хүмүүс намынхаа дарга нартай уулзаж байгаа ч мэдээлэл байгаа юм. Ямар ч байсан 16 цаг хүртэл хойшилсон Бага хурлын дундуур Удирдах зөвлөл яаралтай хуралдах шаардлага гарчээ. Тиймээс Удирдах зөвлөлийн гишүүдийн шийдвэр нэр дэвшигчдийг тодруулахад чухал үүрэг гүйцэтгэх бололтой.