ОХУ, Монгол Улс иргэдээ харилцан визгүй зорчуулахаар хэлэлцээр байгуулсан нь энэ сарын 14-нөөс хэрэгжиж эхэлснээр Буриадын зочид буудлууд монгол жуулчдаар дүүрлээ гэж rg.ru сайт мэдээллээ.
Заримд нь бүр зочид буудал олдохгүйгээс өөрсдөө хоноглох газар хайхад хүрч байна. Хилийн албаныхны мэдээгээр арваннэгдүгээр сарын 14-нөөс хойш монголоос ирэх зорчигчдын тоо хоёр дахин нэмэгдсэн гэж Буриадын Засгийн газар мэдэгджээ. Визгүй зорчиж эхэлсэн анхны өдөр гэхэд л хоёр мянган хүн хилээр гарсан байна.
Нэгэнт хоёр улсын иргэд визгүй зорчдог болсон болохоор Буриадын Засгийн газар хоёр улдсын хооронд агаарын зам нээж, ирэх онд “Хиагт-Алтанбулагийн авто боомтыг шинэчлэн тохижуулах ажил хийхээр төлөвлөж байгаа юм байна.