Арлын Япон гэхээр эдийн засаг, технологийн өндөр хөгжил санаанд бууна.Өөрөөр бид японыг хэр мэдэх билээ. Очиж үзсэн чолж хараагүй шинэ шинэ бүтээлийг нь сонирхуулж байна. Магадгүй газар зүйн байршил, цаг агаарын байнгын таагүй үзэгдэл нь япончуудыг шинийг сэдэж зохион бүтээхэд хүргэдэг ч байж мэдэх. Барууны орнуудад тохиохгүй зөвхөн арлын энэ улсад л байдаг, өөр гадны улсуудыг гайхшруулдаг сонин зүйлүүд энд байна аа.

1.Ариун цэврийн өрөөний шаахай

Япончууд эрүүл ахуйн нарийн дэглэм сахьдаг улс. Тэд ариун цэврийн өрөөнд орохдоо хүртэл тусгай улавч, шаахай өмсдөг. Мэдээж ариун цэврийн өрөөний шалан дахь нянг гэртээ тараахгүйн  үүднээс.

2. Автомашины зогсоол

Японы арал дээр 126 сая хүн амьдардгаас нэг гол бэрхшээл нь сул орон зай. Тэр олон машин тавих зогсоол ховроос томоохон худалдааны төв, хүн олон зорчдог газар ийм зогсоолууд элбэг.

3. Майонез

Японы майонез бусад улс орнуудынхаас нэг их ялгаархгүй ч  нийтийн жишгээр майонезыг бутерброд, саладтай хэрэглэдэг бол япончууд мөхөөлдөс, чипс, хуймагтай ч иднэ.

4. Супер шүхэр

Ерийн шүхэр бол дээрээс орох бороонд л ашиглаж болно. Харин аадар бороо, усан хуй элбэгтэй энэ оронд үүнээс сэргийлэхийн тулд ийм шүхэр санаачилжээ.

5. Цахилгаан шатны үйлчлэгч

Барууны орнуудад цахилгаан шатны үйлчлэгчийг бараг халсан гэж болно. Харин японд бол энэ үйлчилгээ өнөө хэр байсаар байгаа.

6. Халаагч хав

Супер шүхэр бол борооноос л хамгаална. Харин гэнэт хүйтэрвэл яах вэ. Япончууд үүнээс сэргийлэх арга бас олжээ. Энэ жижигхэн хавыг богино долгионы зууханд хийж халаагаад л тэвэр дээ.

7. Ажил дээрээ унтах

Барууны, ер нь бусад оронд ажил дээрээ унтвал хариуцлагагүй явдал болно биз дээ. Харин японд бол ажлынхаа төлөө нойроо умартаж явсан хичээнгүй хүн болж харагдана. Зарим нь бүр их ажилсаг сайн хүн болохоо дарга,  эзэддээ мэдүүлэх гэж зориуд жаахан нойр авна гээч.

8. Япон виски

Сакэгаараа алдаршсан Япон ы виски гэж дуулсан уу. Амсаад үзэхэд гэмгүй шүү. Японы Suntory’s Hibiki брэнд сүүлийн үест чанарын талаар ихэд нэрд гарч “дэлхийн хамгйин сайн виски” гэгдэн олон улсын хэд хэдэн шагнал хүртээд байгаа.

9.Метронд эрүү тавигч

Япончууд их хөдөлмөрч, маш их ажилладаг болохоор хаана л бол хаана үүрэглэж явдаг улс. Олон хүнтэй метронд суудалгүй ч гэсэн бяцхан нойр авахын тулд ийм эрүү тавигч ашигладаг.

10.Ер бусын мөхөөлдөс

Японы хоол алдартай, гэхдээ зарим нь бас сонин. Ухаандаа мөхөөлдөс гэхэд л адууны мах, кактус, наймаалжны  орцтой байдаг гэнэ.

11.Чих ухагч

Чих ухах чинь бас л нэг ажил. Гэхдээ хар таамгаар шүү дээ. Харин японд бол чихнийхээ дотор талыг харж байгаад цэвэрлэх боломж бий. Яг л ходоодны дуран шиг.

12. Худалдааны автомат

Японы автоматууд бусад орныхоос нэг их ялгагдахгүй. Гэхдээ японд бол автоматаас юу л бол юу худалдан авч болно. Шинэ өндөг, хуймаг, цэнэг хураагуур, шүхэр, дотуур хувцас ч авч болно.

13. Цэвэрлэгч жаал

Дөнгөж мөлхөж байгаа багачуудад явахгүй газар гэж үгүй. Үүнийг нь япончууд овжин ашиглаж шүүртэй комбинзон хийснээр гэрээ бас цэвэрлээд авдаг байна.

14.Хөөсөнцөр хагалах

Манайд ч гэсэндээ цахилгаан бараа авахаар зөөлөвчийн нь хөөсөнцөрийг хагалах дуртай хүн байдаг даа. Тэгэхдээ энэ сонирхолдоо хөтлөгдөн өдөр бүр шинэ тоног төхөөрөмж авч байлтай биш. Харин япончууд чад чад хийлгэн хагалж байсан ч дараа нь дахиад л хийгээр дүүрчихдэг ийм зүйл бодож олж. Түлхүүрийн оосортоо хийчихээд завандаа чадхийлгэж байхгүй юу.

15.Хамгийн богинохон өргүүр шат

Японы Кавасаки хотын More’s худалдааны төвд 83 см өндөртэй, тавхан гишгүүртэй энэ өргүүр шат байгаа. Америкчуудыг хамгийн залхуу хүмүүс гэж танд хэн хэлсэн юм.

16.Амиа хорлогчдын ой

Өнгөц харвал энэ ойд хүмүүс зүгээр л зугаалж, шувуудын жиргээ сонсон түүдэг асаан амарч болмоор. Харамсалтай нь Фужи уулын ойролцоох Аокигахарагийн энэ ойг “амиа хорлогчдын ой” гэж нэрлэдэг. Статистикаар энэ ойд жилд дунджаар 100 орчим хүн амиа хорлодог гэнэ.

17. Гоонь эрийн дэр

Найз бүсгүйгүй, эхнэргүй ганц бие эрчүүдэд зориулж нэгэн компани ийм дэр санаачилж. Мэдээж энэ “хань” тантай хэзээ ч маргахгүй л дээ.

18. Ганц бие эмэгтэйн дэр

Мэдээж ганц бие эрчүүдийг бодож байхад эмэгтэйчүүдийг бас марталгүй бодолцох хэрэгтэй шүү дээ. Яг л нөхрийнхөө суганд наалдаад хэвтэж байгаа юм шиг санагдана.

19.Хараагүйчүүдэд зориулсан шар айраг

Японд шар айраг худалдан авахдаа анзаараарай. Онгойлгогчийн нь хооронд хараагүйчүүдэд зориулсан брайля үсэг байгаа. Тэд ч гэсэн нээрээ хүйтэн шар айраг уухсан гэж бодож байгаа шүү дээ.

20. Унадаг дугуй

Японы унадаг дугуйн зогсоол гэж яг л автомашины зогсоол шиг сэтгэл түгшээдэг асуудал болоод байна. Төмөр замын буудал, худалдааны төв, сургууль соёлын газрын дэргэдэх зогсоол нэг  иймэрхүү.

21.Ариун цэврийн өрөөний суултуур

Үүнийг бол “японы супер жорлон” л гэнэ дээ. Энэ суултуур ус цацаж, угаажж өгнө. Дэргэд нь алчуур зэхээстэй. Сураагүй хүн харин цочиж мэдэх л юм.

22. Хорт хийн багтай арал

Хонсю арлын зүүн өмнө Миякезима арал дээр Ояма галт уул байдаг нь 2005 оноос хойш байнга оргилж арал тэр чигтээ үнс нурам, хорт хийгээр бүрхэгдсэнээс эндхийн оршин суугчид байнаг хорт хийн багтай явдаг.

23. Бүхээгт  зочид буудал

Бас л япончуудын бүтээл. ТОкиод 1979 онд анх нээсэн нь олон мянган үйлчлүүлэгчийн сэтгэлд нийцсэн. Бизнесмэн, оройтсон согтуу эр гээд гэртээ шөнө дөлөөр очиж эрүүний шөл уухыг хүсээгүй хүмүүс ихээр үйлчлүүлдэг болсон гэнэ.