УИХ хурал ойртож байгаа энэ үед хүн толгойтой хүн болгон л нэр дэвшихээр зэхэж байхад Иргэний Зориг-Ногоон намын гурван даргын нэг УИХ-ын гишүүн Д.Энхбат нэр дэвшихгүй гэдгээ албан ёсоор мэдэгдлээ. Тэрээр “Би намынхаа өчигдрийн Үндэсний зөвлөлийн хурлаар УИХ-ын 2012 оны сонгуульд нэр дэвшихээс татгалзаж буйгаа намын нөхдөдөө хэлсэн. Би энэ шийдвэрийг гаргахдаа хэн нэгний ятгалага, дарамтад ороогүй. Зөвхөн өөрийн минь шийдвэр. Миний зорилго бол дан ганц улс төрийн намын хүрээний үйл ажиллагаа бус үндэсний өргөн хүрээний үйл ажиллагаа явуулах. Энэ сонгуульд манай намаас маш олон чадалтай, чадвартай хүн өрсөлдөнө” гэв. Тус намыг С.Оюун, С.Дэмбэрэл нар тэргүүлж байгаа юм байна.