Япон улсаас Монгол Улсад суугаа ЭСЯ, Япон хэлний багш нарын холбоо, Монгол-Япон Хүний нөөцийн хөгжлийн төвөөс хамтран “Японоор хэн сайн ярих вэ” уралдааныг зарлалаа.

Энэхүү уралдааныг 20 дахь удаагаа зохион байгуулж байгаа юм. Уралдааныг А, Б гэсэн хоёр ангилалд гурван үе шаттай явуулна.
А, Б хоёр ангилал тус бүр 1, 2, 3 болон тусгай байрын шагналтай бөгөөд эдгээр байр эзэлсэн суралцагч Япон улсад аялах эрхтэй болох юм.
А ангилалд 18-22 насны Монгол улсын иргэн, их дээд сургуулийн оюутан, Б ангилалд 15-18 насны Монгол улсын иргэн 10-12 дугаар ангийн сурагч оролцох боломжтой. Уралдаанд оролцогчид япон хэлээр зохион бичлэг, ярилцлага гэсэн шалгалт өгөх бөгөөд гуравдугаар шатны шалгаруулалт ирэх сарын 13-нд Монгол-Японы төвд болно.