Британийн Times Higher Education хэвлэлийн гаргасан рейтингээр дэлхийн топ-200 их сургуулийн жагсаалтыг америкийн Калифорнийн Техникийн дээд  сургууль тэргүүлжээ. Үүний араас Харвард, Оксфордын их сургуулиуд орсон байна. Өнгөрсөн онд энэ жагсаалтаас хасагдаад байсан манай умард хөршийн Ломоносовын нэрэмжит Москвагийн их сургууль энэ жил 196 дугаарт бичигдсэн байна.
Топ 200 их сургуулийн жагсаалтад АНУ-аас 74 дээд сургууль, Их британиас 29 сургууль оржээ. Гуравдугаарт Герман улс орсон байна. Times Higher Education-ын жагсаалт нь академик боловсролын талаарх хамгийн том судалгаа гэдэг юм.