Жорж Клуни шинэхэн эхнэрийн хамт

Өвөлжилт хүндэрсэн үед төрийн үйлчилгээг шуурхай, оновчтой зохион байгуулахыг даалгалаа Төмөр зам доогуур нүхэн гарц барих төслийн бүтээн байгуулалт үргэлжилж байна Нийслэлийн Байгаль орчны газраас зэрлэг амьтдад ээлтэй хашааны стандартыг батлуулж, мөрдүүлэн ажиллаж байна Өрхийн эрүүл мэндийн төвүүд ажлын өдөр 20:00 цаг хүртэл уртасгасан цагаар ажиллана Томуу, томуу төст өвчний дэгдэлт эрс нэмэгдэж байгаатай холбогдуулан дараах "ЗӨВЛӨМЖ"-ийг хүргэж байна Шатрын Монгол Улсын аваргаар 11 настай Ц.Ананд тодорлоо "Болор цом 43" яруу найргийн наадамд шүлгээ унших яруу найрагчид тодорчээ Хянан шалгах түр хорооноос нотлох баримтыг шинжлэн судлах сонсголыг зохион байгуулна Сурагчдын өвлийн амралтыг 14 хоногийн өмнө эхлүүлэх саналыг ЭМЯ гаргаж Боловсролын яаманд хүргүүлжээ ЦАГ АГААР: Улаанбаатарт өдөртөө 11 хэм хүйтэн

Намируун

2014-9-29

Бямба гарагийн үдэш хуримаа хийсэн Холливудын од Жорж Клуни хязгааргүй баяр хөөртөө умбаж яваа нь түүний шинэхэн эхнэртэйгээ явж буй эдгээр зургаас илхэн харагдаж буй биз ээ. Венецийн Аман Канал Гранде хэмээх тансаг зочид буудалдойр дотны найз нөхөд, гэр бүлийнхний өмнө нар жаргах үеэр бие биедээ андгай тангараг өргөж, эхнэр нөхөр бололцсон шинэхэн хос хуримын маргааш өглөө зочид буудлаас гарч ирэхэд хэдэн арван завь дүүрэн гэрэл зурагчид, паппарацууд тэднийг угтан авчээ. Харин Жорж Клуни Холливудын одын зангаргийг харуулж, гэрэл зурагчидтай найрсгаар мэндчилэн, тэдний аз жаргалтай амьдралын эхлэлийг гэрэл зургийн хальснаа буулгахыг зөвшөөрчээ.
Гэхдээ 53 насандаа гэрлэж буй Клуни хуримын зургандаа маш хатуу хяналт тавьсан байна. Одоогоор тэдний гэрэл зураг ямар ч хэвлэл мэдээллийн хэрэгслээр гараагүй байгаа бөгөөд энэ эрхийг "Vogue" сэтгүүл худалдан авсан мэдээ байна. Холливудын оддын жишгээр тэд хуримын зургаа онцгой эрхтэйгээр худалдаж олсон мөнгөө буяны үйлсэд хандивлах юм байна. "Vogue" сэтгүүлийн эрхлэгч Анна Винтур хуримын хүндтэй зочдын нэг байснаас үзвэл Жорж Клунигийн хуримын зургууд удахгүй тус сэтгүүлийн нүүрийг чимэх бололтой.
Клуни болон түүний эхнэр Амал Аламудин нар хуримын үеэр хэн нэгэн зөвшөөрөлгүйгээр зураг авч хэвлэлд нийтлэхээс сэргийлж зочдоо гар утасгүй ирэхийг сануулсан юм. Тэд зочиддоо тусгайлан бэлтгэсэн камер болон код өгсөн бөгөөд хэрэв аль нэг зочин тэр камераар авсан зургаа гадагш задруулвал өгсөн кодоор нь хэн итгэл эвдсэнийг мэдэх боломжтой аж.

Клунигийн эхнэр Амал шинэхэн хосыг тасралтгүй дагах гэрэл зурагчдыг тооцоолсон бололтой Жиамбатиста Валлигийн 2014 оны шинэ загварын даашинзаар гоёжээ