Өөрийгөө газар шороо, нутаг ус, эх дэлхийн төлөө тууштай тэмцэгч хэмээн өргөмжилдөг Гал үндэстэн холбооны тэргүүн Ц.Мөнхбаяр энэ сонгуульд хүч үзэхээр зэхжээ. Ингэхдээ тэрээр төрсөн нутагтаа бус нийслэлийн Сонгинохайрхан дүүрэгт бие даахаар сэтгэл шулууджээ. Гэвч түүнийг дэмжиж 801 хүн гарын үсгээ “бэлэглээгүй” байгаа бололтой. Тиймээс тус холбооны гишүүд Сонгинохайрхан дүүрэгт иргэдийн гарын үсэг цуглуулах ажлыг эхлүүлээд байгаа гэнэ.

Түүнчлэн зарим нь фээсбүүк хуудсаар “Өнөө маргаашийн дотор бидэнд чухал ажил тулгараад байна.Гал үндэстэн Холбооны тэргүүн Ц.Мөнхбаярыг 2012 оны УИХ ын сонгуульд нэр дэвшүүлэхэд 801 хүний дэмжлэг хэрэгтэй байна.Газар шорооныхоо төлөө тэмцэж буй шудрага эх оронч Ц.Мөнхбаярыг нэр дэвшүүлэхэд Сонгино Хайрхан дүүрэгт оршин суудаг иргэний овог нэр, иргэний үнэмлэхийн дугаар,регистрийн дугаар,энэ дүүрэгт оршин суудаг хаяг хэрэгтэй байна.
Иймд СХД т оршин амьдрагч иргэн буй бол туслах мөн өргөөнийхний ах дүү найз нөхөд байгаа бол дээрх мэдээлийг өгч туслана уу” гээд холбогдох утасны дугаартай зарлал хүртэл илгээж байгаа юм байна. Дашрамд дурьдахад, Ц.Мөнхбаяр нарт холбогдох хэргийг Сонгинохайрхан дүүргийн шүүх ойрын үед хэлэлцэхээр болоод байгаа юм.