Канадын иргэн Дерек, Стив хоёр 2012 онд нэг жижигхэн торой худалдан авч. Ердөө хоёр кг хүрэхтэй үгүйтэй бяцхан амьтныг зарсан хүн “Энэ бол бичил үүлдрийн гахай. Үүнээс том болохгүй” гэж байгаад заржээ.
         
Харин тэр хоёрын хайртай бяцхан торой нь хоёр жилийн дотор 200 кг болтлоо өсч таргалжээ.

Хамгийн сонирхолтой нь эзэд нь түүнийг үгүй хийё гэж санасангүй, гэртээ үлдээн урьдынхаараа эрхлүүлсээр байгаа гэнэ.

Тэд диван дээр унтаж байгаа, усан бассейнд сэлж байгаа, бусад амьтадтай байгаа Эстерийнхээ зургийг интернетэд тавьж үүндээ баясаж суудаг болжээ.