Монгол улсын төрийн шагналт, хөдөлмөрийн баатар, ардын жүжигчин Л.Цогзолмаагийн 90 насны ойг тохиолдуулан Ардын богино дуу дуулаач мэргэжлийн дуучдын улсын V уралдааныг зохион байгуулах гэж байна. Энэ сарын 27-30-нд Улаанбаатар, Зуунмод хотод болох уг уралдаанд төв болон орон нутгийн театр чуулгын 40 гаруй дуучин оролцохоор бүртгүүлжээ. Уралдааныг цаашид монгол хэлтэн үндэстнүүдийн дунд уламжлал болгон олон улсын хэмжээнд зохион байгуулах зорилгоор энэ удаа танилцуулах жишиг уралдаан болгон явуулах ажээ.