Австралийн иргэн 22 настай Бенжамин МакМахон  авто осолд орон бараг долоо хоног комд байсныхаа дараа сэргэхдээ гэнэт хятадааар яриад эхэлсэн гэнэ. Түүнийг ухаан ороход  орных нь  дэргэд  ази царайтай  сувилагч байхыг хараад шууд л хятадаар “Сувилагч аа, энд л өвдөөд байна” гэж хэлсэн гэнэ. Тэгээд тэр цаас үзэг гуйж аваад мөн л хятадаар “Би ээж аавдаа хайртай, удахгүй эдгэрнэ” гэж бичсэн байна.

Энэ сонин үзэгдэлд гайхсан эмч нар гэр орныхонд нь “Бен одоо л комоос гарч байна, гэхдээ нэг асуудал байгаа нь тэр одоо хятадаар яриад байна” гэжээ. Харин гэрийнхэн нь “Үгүй тэр чинь хятад хэл бараг мэдэхгүй шүү дээ. Сургуульд байхдаа хятад хэл үзэж байсан, гэхдээ хэзээ ч тэр чөлөөтэй ярьж байгаагүй” гэсэн гэнэ.

Бен өөрөө “Комоос гараад хятадаар яриад байгаагаа би өөрөө ч мэдээгүй. Энэ ёстой ганцхан надад л тохиолдсон явдал байх” гэсэн байна. Харин залуу өөрийн төрөлх хэл англи хэлийг сэргээхэд дахиад хэдэн хоног  хэрэгтэй болжээ.