Японд хэт халуун болж байгаагаас есдүгээр сарын 1-7-ны хооронд 827 хүн наранд цохиулж эмнэлэгт хүргэгдсэний нэг нь замдаа нас барлаа гэж орон нутгийн аврагчид мэдээлсэн байна. Үүний өмнө наршсан 687 хүн эмнэлэгт хүргэгджээ. Ер нь энэ зун Японд  хэт халуун нар шарж байгаагаас 21 хүн наранд  цохиулан нас барж 35 мянган хүн эмнэлэгт хүргэгдсэн юм. Цаг уурчлын мэдээлж байгаагаар энэ долоо хоногт энд 30 градусаас илүү халуун байх төлөвтэй байгаа гэнэ.