Энэтхэг ба Пакистаны маргаантай газар нутаг гэгддэг Кашмир мужид олон өдөр үргэлжилсэн хур тунадасны улмаас 200 гаруй хүн амиа алдаад байгаа тухай “ВВС” агентлаг мэдээлэв. Хур тунадасны хэмжээ ойрын өдрүүдэд улам нэмэгдэх тул хохирогчдын тоо өсч магадгүй байгаа аж. Үерт нэрвэгдсэн хүмүүсийг аврах ажиллагаанд хоёр улсын армийн албан хаагчид оролцож байгаа. Үерийн улмаас гадна ертөнцөөс таслагдсан хот, тосгод руу нисдэг тэрэг илгээжээ.
Кашмир мужийн Энэтхэгийн мэдэлд байгаа хэсэгт үер болон хөрсний гулгалтын улмаас 100 гаруй хүн амиа алдаад байна. Харин Кашмир мужийн Пакистаны мэдэлд байгаа хэсэгт мөн адил шалтгаанаар 110 гаруй хүн амиа алдсан гэж эрх баригчид мэдэгджээ. Кашмир мужид сүүлийн 60 жил болж байгаагүй хүчтэй үер болсон нь энэ аж.
