Монгол Улсын Ерөнхийлөгч Ц.Элбэгдорж БСШУ-ы сайд Ё.Отгонбаяртай ярьж, нэг асуудалд анхаарлаа яаралтай хандуулахыг хүссэн байна. АНУ-ын Нью-Йорк хотноо үлэг гүрвэлийн маш ховор, бүтэн араг ясыг дуудлага худалдаанд оруулах гэж байгаа тухай мэдээ олон улсын хэвлэл мэдээллийн хэрэгслээр гарсныг сонссон Монголын эрдэмтэд, судлаачид Монгол Улсын Ерөнхийлөгчид ханджээ.  Энэхүү дуудлага худалдааг хийхээр албан ёсоор зарласан Херитейж Аокшн байгууллагаас мэдээлж буйгаар уг үлэг гүрвэлийн бүтэн араг ясыг  сүүлийн 10 жилийн хугацаанд Говь /Gobi Desert/-оос олсон гэжээ. Гурав хоногийн дараа болох дуудлага худалдаанд “Тиранозаурус Батаар”-ыг дуудах анхны үнэ нь 950 мянган ам.долларaaс эхэлж байгаа юм. Иймээс Ерөнхийлөгч Ц.Элбэгдорж, БСШУ-ы сайд С.Отгонбаярт уг олдворын гарал үүслийн талаар дуудлага худалдааг эрхлэн явуулах байгууллагаас тайлбар авах, хэрвээ Монголын говиос олдсон, хууль бусаар Монголоос гарсан нь батлагдвал олон улсын конвенцын дагуу эл олдворыг эх орондоо буцааж авчрах талаар ажиллахыг үүрэг болголоо.