Иргэний үнэмлэх шинээр хэвлэх эсэхийг Улсын бүртгэлийн ерөнхий газрын дарга Л.Амарсанаагаас тодрууллаа.

-Иргэд ямар бичиг баримтаар сонгуульд оролцохыг эцэслэн шийдсэн үү?
-Маргаашийн /өнөөд­рийн/ чуулганы нэгдсэн ху­рал­даанаар тодорхой болно. Тэгээд албан ёсоор яриа өгье.

-Тэгвэл урьдчилсан байд­­лаар хэрхэн шийдэхээр тог­тоод байгаа талаар та мэдээ­лэл өгөөч?
-Ерөнхийдөө бол одоогийн ашиглаж байгаа иргэний үнэмлэхээрээ сонгууль өгнө. Мөн сонгууль өгөх өдөр ху­руу­­ны хээний санг ашиглая.Өө­рөөр хэлбэл, тухайн иргэ­ний бичиг баримтыг давхар баталгаажуулж байна гэсэн үг. Иргэний үнэмлэхээ үрэгдүүл­сэн, сунгалт хийх шаардлагаар лавлагаа авсан иргэдийн хувьд цахим үнэмлэх хэвлэж өгье гэсэн байдалтай байна.

-Цахим үнэмлэх хэвлэхэд асуудалгүй болчихсон уу. Ца­­хим үнэмлэхний бэлдэц­ний чип нь хоосон, прог­рамм хангамж нь таарч тохи­­рохгүй гээд бэрхшээл гарсан?
-Программ хангамж нь бэлэн болчихсон. Чипээ суулгаад, туршаад дуусгавар болж байна. Одоо цахим үнэмлэх хэвлэхэд ямар нэгэн хүндрэл гарахгүй. Өнөөдрийн байдлаар хуваарь ёсоор цахим үнэмлэхний 960 мянган бэлдэц ирчихсэн байх ёстой. Бэлдэц жаахан хоцроод байгаа. Гэхдээ “Бодь интернэшнл” компанийн зүгээс бэлдэцийг нийлүүлэх талаар анхаарал хандуулж, хөөцөлдөж байна.

-Лавлагаатай хүмүүсийн цахим үнэмлэхийг хэвлэхэд бэлдэц нь хангалттай  гэсэн үг үү?
-Тийм ээ. Тавдугаар сарын 1-ний байдлаар 64940 хүн лавлагаа авсан гэсэн тоо гар­сан. Цаашдаа жаахан нэ­мэг­­дэх л байх.

-Та түрүүн сонгууль өгөх өдөр хурууны хээний санг ашиглана гэж ярилаа. СЕХ-ны хурууны хээ уншуулах тоног төхөөрөмж нь хэтэр­хий энгийн байна гээд бас л буруудсан байх аа?
 -Би энэ талаар хэлж мэдэхгүй. Сонгуулийн ерөнхий хороо хариуцсан учраас тэд­нээс тодруулсан дээр болов уу.