“Forbes” сэтгүүл дэлхийн хамгийн нөлөөтэй хотуудын жагсаалтыг гаргажээ. Хотуудыг үндэстэн дамжсан том корпорациудад зориулагдсан нэмэлт үйлчилгээний хүртээмж, эдийн засгийн ерөнхий байдал, гадаадын хөрөнгө оруулалтын хэмжээ зэрэг хүчин зүйлсийг тооцон үзэж жагсаалтыг гаргасан байна. Ингэхэд дэлхийн хамгийн нөлөөтэй хотоор Лондон, удаахь  байранд Нью-Йорк, гуравдугаарт Парис, дөрөвдугаарт Сингапур, тавдугаарт Токио тодров. Удаахь байруудад Хонконг, Дубай, Сидней, Лос-Анжелос, Сан-Франциско, Торонто хот тус тус оржээ.