Дээд боловсролын санхүүжилт, суралцагсдын нийгмийн баталгааны тухай болон Боловсролын тухай хуульд “2014-2015 оны хичээлийн жилээс эхлэн 10 сарын турш сар бүр үндэсний тэтгэлгийг олгох сургалтын байгууллага болон суралцагсдад тавих шаардлага, сард олгох хэмжээ, хугацааг Засгийн газар тогтооно” гэсэн өөрчлөлт орсон. Үүний дагуу суралцагсдад олгох тэтгэлгийн журмыг шинэчилж боловсруулжээ.

 Доктор, магистр, бакалаврын хөтөлбөрт өдрийн ангид суралцагч оюутанд тэтгэлэг олгохдоо байгууллага болон суралцагчид тавих шаардлагыг сургалтын байгууллагын төгсөгчдийн судалгаагаар тэтгэлэг олгохоос 2 жилийн өмнөх төгсөгчдийн 30 хувь нь ажлын байртай болсныг баталгаажуулсан байх, сургалтын байгууллага нь удирдлагын мэдээллийн нэгдсэн систем нэвтрүүлсэн байх, суралцагч хичээлийн жилийн нэг улиралд 10-12 багц цагийн хичээл судалж, дүгнүүлсэн байх, хичээлийн жилийн өмнөх улирлын голч дүн, дипломын голч дүнг тус тус харгалзах, сургууль өөрийн сургуулийн нэрэмжит тэтгэлэг олгодог байх зэргээр тусгалаа.

Тиймээс шинээр нэмэгдсэн дээрх шаардлагуудыг хангасан сургууль болон суралцагч нь үндэсний болон урамшууллын тэтгэлгийг авах эрхтэй болох юм.