Энэ сонгуульд урлаг соёл, спортынхон нэр дэвших сурагтай. Сурагтай ч гэж дээ эхнээсээ батлагдаад эхэллээ. Бөхчүүдээс л гэхэд Д.Сумъяабазар аварга, гарьд Б.Гантогтох гээд шинэ цагийн улс төрчид орж ирэх бол хуучнаас Бат-Эрдэнэ, Батбаяр нар дэвших нь ойлгомжтой. Харин урлагийнхнаас МУГЖ, дуучин С.Жавхлан МАХН-аас нэр дэвшинэ гэдгээ зарласан. МАН-ынхан харин МУГЖ Б.Сувдын намаасаа, төрийн соёрхолт Н.Жанцанноров нарыг дэвшүүлэхээр болсон байв. Тэгвэл яруу найрагчдаас Монгол Улсын Төрийн шагналт, Соёлын гавьяат зүтгэлтэн, зохиолч, яруу найрагч Д.Төрбат энэ сонгуульд нэр дэвших сурагтай. Тэрээр, төрсөн нутаг болох Дундговь аймгаас дэвших аж. Энэ мэтчилэн урлаг, спорт, зохиолч яруу найрагчид гээд энэ парламент ч ёстой төрөл бүрийн түшээдтэй болох нь.