Ноёд группын ерөнхийлөгч гэгдэх Г.Буяндоржид холбогдох шүүх хурал хоёр өдөр үргэлжилсний эцэст нэмэлт мөрдөн байцаалтанд буцаасан байна. Г.Буяндоржийн гэх тодотголтой эрүүгийн  хэрэгт төрсөн ах Г.Дамдиндорж, үеэл дүү Д.Батжаргал, төрсөн эгчийнх нь хүүхэд Ч.Ууганбаяр, БНХАУ-ын иргэн Хурцаа, сэтгүүлч С.Баттулга нар татагдаад байгаа билээ.
 Дарханы төмөрлөгийн үйлдвэрээс төмрийн баяжмал авч өгөх нэрээр  хятадуудаас 1,2 сая ам.доллар залилсан. Иргэн С.Билэгтэд зарсан “Ноёд констракшн” компаниа буцаан авахын тулд хуурамч бичиг бүрдүүлж, шүүхийн шийдвэр гаргуулсан. Мөн иргэн С.Билэгтийн онц хүнд гэмт хэрэг буюу 6,5 тэрбум төгрөг залилсан хэмээн гүтгэсэн, улсын бүртгэл байдаггүй “Ноёд” группын өмнөөс мэдэгдэл гаргаж бусдын нэр төрд халдсан  гэж  буруутгаж байгаа гэнэ. Түүнчлэн Сэлэнгэ аймгийн шүүгч нар холбогдсон хэргийг нь тусгаарласан, хэд хэдэн хэргийг хэрэгсэхгүй болгожээ.

Улсын яллагчаас яллагдагч  Г.Буяндоржид чанга дэглэмтэй хорих ангид 12 жилийн ял оноохоор төлөвлөсөн байна. Төрсөн эгчийнх нь дүү Ч.Ууганбаяр, БНХАУ-ын иргэн Хурцаа, үеэл дүү Д.Батжаргал нарт нь 10 жил таван сар оноохоор төлөвлөжээ. Төрсөн ах Г.Дамдиндоржид нь зургаан сар, сэтгүүлч С.Баттулгад дөрвөн сар ял сонсгосон бөгөөд шүүгч нар улсын яллагчийн оруулж ирсэн ялын хэмжээг  хөнгөдсөн хэмээн үзээд нэмэлт мөрдөн байцаалтанд буцаахаар болжээ.

эх сурвалж: zone.mn