УИХ-д спирт хэрэглэж байгаад спортын салбарт хүч үзэж байгаа хэд хэдэн гишүүн байдаг гэсэн шүү. Энэ талаар дэлгэрэнгүй мэдээлэл авахаар бол УИХ дахь АН-ын бүлгийн дарга Ч.Сайханбилэгт хандаж болно. Харин түүний өгсөн товч мэдээгээр бол УИХ-ын гишүүн Ц.Баярсайхан, С.Баярцогт нар сүүлийн жилүүдэд спирт бус спортыг илүү сонирхох болсон гэнэ. “И” үсгийг “О”-гоор сольсон гишүүний жагсаалт уртаас урт хөвөрч байгаа ч Ч.Сайханбилэг гишүүн одоогоор нууцлахаар шийдэж. Ц.Баярсайхан, С.Баярцогт нарын өргөдөг төмөр туухай гурван оронтой тоонд багтдаг гэнэ. Энэ нь бичиг цаас хөөцөлдөж гүйдэг гишүүдийн хувьд том амжилт гэсэн шүү.