“Өргөө” зочид буудлын хувьчлалд УИХ-ын гишүүн Ц.Батбаярыг яллагдагчаар гэдэг мэдээлэл сүүлийн үед гарах болсон. Харин тэрээр энэ хэрэгт холбоогүй хэмээн тайлбарлаж буй. Ц.Батбаярын хэлж буйгаар ““Өргөө” зочид буудлыг хувьчлаагүй. Алдагдалтай ажиллаад байсан болохоор менежментийг нь өөрчилж тус байгууллагын нэр дээр төр, хувийн хэвшлийн оролцоотой компани байгуулсан. Ингээд  төр, хувийн хэвшлийнхэн ашгаа хувааж авахаар болсон. Ингэсний үр дүнд 10 сая төгрөгийн алдагдалтай ажиллаж байсан газар 137 сая төгрөгийн ашигтай гарсан” аж.  “Өргөө” зочид буудалд менежментийн өөрчлөлт хийх үед Ц.Батбаяр хотын даргаар ажиллаж байсан болохоор л дээрх хэрэгт холбогдож байгаа гэнэ. Ц.Батбаяр гишүүн өөрийгөө ийн өмгөөлж байгаа ч хуулийн байгууллага түүнийг  нэг хэсэгтээ л тайван байлгахгүй нь бололтой.