Жүжигчин Камерон Диаз найз залуутай болоод удаагүй байгаа. 40 гарсан ч ганц бие хэвээр цөөнгүй жилийг үдсэн тэрээр эртний танил, хөгжимчин Бенжи Маддентэй болзох болсон.
Жастин Тимбелэйктэй хамт амьдардаг байх үеэсээ тэд бие биенээ мэддэг байсан ч саяхнаас эргэн холбоо тогтоожээ. Ирэх есдүгээр сард "Sex tape" хэмээх инээдмийн кино нь нээлтээ хийх гэж байгаа Камерон Диаз хийх ажил хэтэрхий их байгаа учраас хүүхэдтэй болох бодолгүй байна гэдгээ саяхан ярилцлагадаа хэлсэн. Хэдийгээр тэрээр шинэхэн найз залуутайгаа цаашдын амьдралаа бодож амжаагүй ч тэд үнэхээр бие биедээ дурласан, тэдний харилцаа сайн байгаа гэж ойр дотных нь эх сурвалжууд хэвлэлд ярьжээ.