“Сантис” боловсролын академи сургалтын төлбөр дээрээ нэмж мөнгө төлөхийг шаардаг үүнийг төлөхгүй бол диплом олгохгүй гэсэн хэмээн  40 иргэн гомдол гаргасны дагуу ШӨХТГ шалгажээ. Учир нь сургалтын төлбөрийн талаар худал зөрүүтэй мэдээлсэн, сургалтын төлбөрт нэмж оюутан бүрээс 310 мянган төгрөг төлөхийг шаардсан нь Хэрэглэгчийн эрхийг хамгаалах хуулийн 12 дугаар зүйлийн 8-д үйлдвэрлэгч, худалдагч гүйцэтгэгчээс хэрэглэгчид бараа ажил, үйлчилгээтэй холбоотой худал мэдээлэл өгөхийг хориглоно.  9-т бараа, ажил, үйлчилгээг хууран мэхлэх, төөрөгдүүлэх, хүч хэрэглэх замаар худалдах, гүйцэтгэх, хэрэглэгчийн эрхийг хохироосон гэрээ байгуулахыг хориглоно,  зар сурталчилгааны тухай хуулийн долдугаар зүйлийн  2.3-т хангалттай тодорхой мэдээллийг орхигдуулан, эсхүл мэдлэг, туршлага дутмаг буюу итгэмтгий байдлыг нь ашиглан хэрэглэгчийг төөрөгдөлд оруулсан зар сурталчилгааг зүй бус зар сурталчилгаанд тооцно гэж заасныг тус тус зөрчсөн үйлдэл аж. Сантис боловсролын академи ХХК-д улсын байцаагчийн албан шаардлага хүргүүлж арга хэмжээ авахаар болсон байна. Мөн гомдол гаргасан Б.Уранзаяа нарын 40 оюутанг нийт 12,4 төгрөг төлөхийг нь чөлөөлүүлж, диплом  олгуулсан байна.