Холливудын жүжигчин Антионо Бандерос 18 жил ханилсан Мелани Гриффитээс саллаа хэмээн баасан гарагт TMZ сайт мэдээллээ. Гэр бүл салах санаачилгыг 56 настай жүжчигчин бүсгүй Гриффит гаргасан гэнэ. Тэрээр ирэх есдүгээр сард насанд хүрэх охин Стеллагаа өөрөө дээрээ авч өсгөх, 53 настай Бандеросаас хүүхдийн тэтгэмж авахаар шаардаж байгаа гэнэ.

 Сайтад мэдээлснийг үзэхэд салахыг тэр хоёр хоёулаа зөвшөөрсөн бололтой. Антионо Бандерсын хувьд энэ бол хоёр дахь удаагийн салалт бол Гриффитийн хувьд дөрөв дэх нөхрөөсөө салж байгаа нь энэ юм.
Хоёр жүжигчний аль аль нь энэ талаар ямар нэгэн тайлбар хийгээгүй байна.