Английн Глостершир гүнлэгийн 26 настай бүсгүй Кристи Спарроугийн алаг муур тавдугаар сарын эхээр зугаалахаар гэрээсээ гараад сураггүй болсон байна. Муураа эрж ядсан бүсгүй хэсэг хугацааны дараа зургийг нь фейсбүүктээ тавьж. Азаар хөрш нь сураг гаргаснаар бүсгүй Баз муураа гудамжны нүхнээс олжээ.
Гэтэл муур нь бэртэж гэмтчихсэн, нүд нь ч бас гэмтэлтэй байхаар малын эмч нарт үзүүлтэл автомашины осол юм уу, эсвэл ямар нэгэн халдлагад өртсөн байна гэжээ. Ингээд Баз муурыг эмчилж эдгэрүүлэхэд багаар бодоход 600 фунт стерлинг шаардлагатай гэсэн байна.

Хэргийн учир нь Баз муур төрөхөөсөө л толгойн алаг нь Гитлерийн үстэй, сахал нь фюрерийн сахалтай адил байж. Гэхдээ өнөө хүртэл түүнд хүмүүс ингэж муугаар хандаж байгаагүй гэнэ. “Олон хүн муурыг минь Гитлертэй адил гэдэг.  Гэхдээ ингэж зодож байгаагүй  юм” гэж хатагтай Кристи Спарроу ярьжээ.