МАХН-ын дарга Н.Энхбаяр хуурай өлсгөлөн зарлаад ес хонож байна. Биеийн байдал маш хүнд байгаа нарийн мэргэжлийн эмч нар хэлж байгаа. Тухайлбал, Хоёрдугаар эмнэлгийн дарга Г.Баясгалан, “Н.Энхбаярын зүрхийг торгооход тун хэцүү болсон. Түүний амь нас эрсдэхэд бэлэн болчихоод байна” гэж хэлсэн. Харин МАХН-ын дарга Н.Энхбаяр гэрээслэл бичиж, “Миний амь нас эрсэдвэл Төрийн гурван өндөрлөг, Ерөнхий прокурор Д.Дорлигжав, Ерөнхий шүүгч Ц.Зориг нар буруутай” хэмээсэн.
Тэгвэл Н.Энхбаярын биеийн байдал ямар байгааг түүний өмгөөлөгч О.Баасанхүүгээс тодрууллаа.

-Н.Энхбаярын бие ямар байгаа бол. Гэрээслэлээ бичсэн байна. Мөн эмч нар хүртэл маш хүнд байгаа гэж хэлсэн байна шүү дээ?
-Маш хүнд байгаа шүү дээ. Өчигдөр эмч нар тодорхой хэлсэн. Өчигдөр Оюунбилэг өмгөөлөгч очиж уулзахад дуу нь бүр дотогшоогоо орчихсон байна гэсэн. Тэр гэрээслэл ч гэдэг юм уу, мэдэгдэл ч гэдэг юм уу, тийм зүйл байгаа.
-Та уулзаж байна уу?
-Өглөө уулзах гээд очсон оруулахгүй байна. Одоо дахиад л явж байна.
-Н.Энхбаярын эхнэр нь төрийн гурван өндөрлөгт шаардлага хүргүүлсэн гэсэн. Түүний хариу ирсэн болов уу?
-Тэр талаар мэдэхгүй байна.