Цэцэрлэгт явдаг хүүгийнхээ цамцан дээр “Би Жихад. Есдүгээр сарын 11-нд төрсөн-бөмбөг” гэж бичсэний төлөө Бухра Бахур гэдэг эмэгтэйг дүү Зейядын хамт  терроризмын дэмжсэн хэргээр  Францын хууль сахиулагчид баривчилж шийтгэсэн байна. Жаал хүү бүр 2012 онд цэцэрлэгт ирэхдээ 2001 оны есдүгээр сарын 11-нд АНУ-ын Нью-Йорк дахь дэлхийн худалдааны төвд  болж бараг гурван мянган хүний аминд хүрсэн аймшигт халдлагыг санагдуулам бичээстэй цамц өмсч иржээ. Цэцэрлэгийн багш нь хамт ажиллагсдаддаа хэлж, улмаар цагдаад мэдэгдсэнээр энэ хэрэг анх үүссэн байна.
Уг нь хүүгийн нэр үнэхээр Жихад, бас есдүгээр сарын 11-нд төрсөн нь ч үнэн юм байна. Гэхдээ “бөмбөг” гэсэн үг байснаас болоод ч тэр үү Ним хотын шүүх бүсгүйг 2000 доллараар торгож, нэг жилийн тэнсэн харгалзах ялаар шийтгэсэн бол дүү Зейядыг 400 доллараар торгож, хоёр жилийн тэнсэн харгалзах ял өгчээ.