Дуучин Рианнагийн хагас нүцгэн зургууд Бразилийн "Vogue" сэтгүүлийн шинэ дугаарыг чимжээ. Бразильд "Vogue" сэтгүүл гарсны 39 жилийн ойг тохиолдуулж, онцгой зочин урьсан нь Рианна байсан бөгөөд Латин Америкийн халуун цуст бүсгүйчүүдэд зориулсан болоод ч тэр үү дуучин дандаа хагас нүцгэн зургаа авахуулсан байна. Ойд зориулсан онцгой дугаар учраас хоёр янзын нүүртэйгээр хэвлэгдэж, уншигчдадаа сонголт хийх боломж олгожээ. Рианна "Vogue" сэтгүүлд зургаа авахуулахын тулд өнгөрсөн нэгдүгээр сард Рио Де Жанейрод хувийн туслах, дасгалжуулагч, тогооч, хоёр бие хамгаалагчийн хамт ирж, Бразильд хэд хоногийг өнгөрүүлсэн юм.