Америкийн Пенсильвани мужийн Грисберг хотын нэгэн эмнэлгийн хэвлэлийн нарийн бичгийн дарга Женнифер Мили өөрийн нь эмнэлэгт хэвтэж байгаа 38 настай Лори Салленберг гэдэг эмэгтэйг маш олон хүн эргэж ирээд байгааг анзаарч нэг л сэжигтэй санагдаад цагдаад мэдэгджээ.
Цагдаагийнхан нууцаар судалж үзэхэд өвчтөн эмэгтэй героин зараад байгаа нь мэдэгдсэн байна. Үүнийг нь бүр баттай болгох үүднээс энгийн хувцас өмссөн цагдаа өнөөх өвчтөнөөс 90 доллараар хэсэг героин худалдан авчээ. Ингээд цагдаагийнхан тэр тасгийг нэгжиж үзэхэд 3,8 мянган доллараар үнэлэгдэх хэмжээний хэсэг героин, хоёр зүү тариур, 1,4 мянган доллар гарч иржээ.
Мөнгө, хар тамхи бусад зүйлийг нь хурааж, эмэгтэйг баривчлан түүнээс хар тамхи худалдан авсан хэд хэдэн хэрэглэгчийг бас саатуулсан байна. Одоо өвчтөн Салленберг  хар тамхи хадгалсан, худалдсан гэсэн зүйл ангиар буруутан болоод байна хэмээн etotupo.ru сайтад бичжээ.