Сара Уолкей таван настай байхдаа ааваасаа хүүхэлдэйн бяцхан байшин барьж өгөхийг гуйсан ч энэ хүсэл нь биелэхэд 35 жил шаардагдсан байна. Британийн Эссекээс гаралтай Жеффри Уолкей охиныхоо хүсэлтийг биелүүлэх гэж Лондонд байдаг 18 дугаар зууны Rainham Hall барилгын жижигрүүлсэн хувилбарыг хийхээр ханцуй шамлан оржээ.  Харин тэр гурван давхартаа таван унтлагын өрөө, номын сан, гал тогоо, тансаг зочны өрөө бүхий энэ байшинг урлахад 19 мянган доллар зарцуулж 35 жил хөдөлмөрлөжээ.  Тэрээр байшинд байх бүхий л зүйлийг жижигрүүлэн яг хийсэн бөгөөд алсын удирдлагаар гэрэл чийдэнг нь хүртэл асаадаг байна.
Өдгөө 69 настай Жеффри ч тэр, мөрөөдлийн байшингаа 35 жил хүлээсэн өнөөдөр 40 хүрч байгаа Сара Уолкей ч энэ гайхамшигт барилгаа хараад сэтгэл хангалуун байна.