Уламжлал болсон “Хүрэл тулга-2014” өсвөрийн яруу найргийн уралдааныг Өм­нөговь аймгийн ХГБХХ-ээс зохион байгууллаа. Хоёр насны ангилалтайгаар зо­хиогдсон уг наадам нь монгол хэлний үгсийн урлагийн гайхамшигт ертөнцөөр аялуу­лан, үг хэллэгийн арвин баялаг сантай танилцуулж, санасан бодсоноо сэтгэн хөгжүүлэх, зохиох, бүтээх, туурвих урлагт сургах зорилготой юм. Наадамд аймгийн Сэврэй, Ханхонгор, Мандал-Овоо, Цогтцэций, Номгон, Ноён, Гурвантэс, Булган, Хүрмэн, Цогтцэций сумын зургадугаар сургууль, Даланзадгад сумын МСҮТөв, нэгдүгээр сургууль, “Эрдмийн гэгээ”,  гуравдугаар сургууль, “Оюуны мэлмий” сургуулийн сурагчид оролцсон байна. “Хүрэл тулга-2014” наадмын 6-9 дүгээр ангийн насны ангилалд 31 сурагч, 10-11 дүгээр ангийн насны ангилалд 19 сурагч, нийт 50 сурагч яруу найргаар өрсөлджээ.
Нийлбэр дүнгээр 6-9 дү­гээр ангийн төрөлд Ном­гон сумын 8в ангийн су­рагч У.Цолмонбаяр тэр­гүүлж, “Эрдмийн гэгээ” сургуу­лийн 9б ангийн сурагч Х.Бям­бацогт, Баяндалай сумын 9б ангийн сурагч Т.Цэрэнпунцаг нар удаалсан бол 10-11 дүгээр ангийн төрөлд “Оюуны мэлмий” сургуулийн 11г ангийн сурагч Б.Болдцэцэг, Гурвантэс сумын 11а ангийн сурагч С.Шинэсар, Ханхонгор сумын 11в ангийн сурагч Г.Баярмаа нар эхний гурван байрт шалгарчээ. “Хүрэл тулга-2014” наадмын хоёр насны ангилалд тэргүүлсэн сурагчид ирэх сард Монголын хүүхдийн ордонд болох улсын уралдаанд оролцох юм.