Жүжигчин Эштон Катчер удахгүй аав болох нь бололтой. Сүй тавиад удаагүй байгаа түүний найз бүсгүй Мила Кунис хөл хүнд болсон хэмээн хэвлэлүүд сүүлийн үед шуугих болсон. Жүжигчин хосын ойрын эх сурвалж ч энэ мэдээлэл үнэн гэж хэвлэлд ам алдсан аж. Гэхдээ Эштон Катчер, Мила Кунис хоёр энэ тухай албан ёсоор мэдэгдээгүй байгаа юм.
Эштон, Мила хоёр амралтын өдөр Стэплес төвд дэмждэг багийнхаа тоглолтыг үзэж явахдаа олны анхаарлын төвд байж, Мила Кунист бие давхар шинж ажиглагдаж байгаа эсэхийг хүн бүр сонирхон харж байжээ.