УИХ дахь АН-ын бүлэг хуралдаж дараахь шийдвэрүүдийг гаргажээ. Сонгуулийн ерөнхий хорооны есөн гишүүнээс тавынх нь бүрэн эрхийн хугацаа дуусгавар болсон гэнэ. Тиймээс бүрэн эрх нь дуусгавар болсон таван гишүүний оронд дараагийн хүмүүсийг цаг алдалгүй томилж, шийдвэрлэх ёстой гэж үзжээ. Дээрх таван гишүүний хоёрыг нь Улсын дээд шүүхээс, нэгийг нь Монгол Улсын Ерөнхийлөгчөөс, үлдсэн хоёрыг нь УИХ-аас санал болгохоор хуульд заасан байдаг. АН-ын бүлэг УИХ-аас санал болгох хоёр гишүүнд Статистикийн хорооны дарга С.Мэндсайхан, Сангийн яамны Төрийн сангийн газрын дарга Х.Пүрэвсүрэн нарыг санал болгожээ. Энэ тухай хоёр намын бүлэг зөвшилцөх ёстой юм байна.