Ерөнхийлөгч асан, МАХН-ын дарга Н.Энхбаярыг гэмт хэргийн яллагдагчаар татаж, үргэлжлүүлэн хорихоор болсон шүүхийн шийдвэрийг Монголын үндэсний ардчилсан намын Удирдах зөвлөл эсэргүүцэж, мэдэгдэл хийлээ. Тэдний үзэж буйгаар хууль хяналтынхан Н.Энхбаярыг хүч хэрэглэн албадан баривчилж хорьсон нь долоон хуулийн 21 заалтыг зөрчсөн гэнэ. Түүнчлэн түүнийг баривчилсан нь улс төрийн захиалгын шинжтэй гэдгийг ч тэд мэдэгдэлдээ дурджээ.  
“МҮАН, МАХН хоёр эвсэл байгуулж, сонгуульд оролцох шийдвэрлэхээр ярилцаж байгаа энэ үед эрх барьж буй олигархиуд гурав дахь хүчнийг задлах, тэдний хүчийг сааруулах сонирхолтой нь илт боллоо. Цаашид бид эсвэл байгуулахаа шуурхайлна” хэмээн МҮАН-ын Ерөнхий нарийн бичгийн дарга Н.Батцэрэг ярьсан юм.